រដ្ឋាភិបាលជប៉ុននឹងបន្តចូលរួមក្នុងកិច្ចសន្ទនានៅគ្រប់កម្រិតជាមួយកម្ពុជា និងថៃ ដើម្បីឱ្យមានដំណោះស្រាយដោយសន្តិវិធី
បរទេស៖ ជុំវិញស្ថានការនៃការប្រយុទ្ធគ្នារវាងកម្ពុជា និងថៃ លោក MOTEGI Toshimitsu រដ្ឋមន្ត្រីការបរទេសជប៉ុន នៅថ្ងៃទី២៦ ខែធ្នូ ឆ្នាំ២០២៥នេះបានចេញមកបញ្ជាក់ពីជំហររបស់រដ្ឋាភិបាលជប៉ុន ក្នុងការបន្តចូលរួមក្នុងកិច្ចសន្ទនានៅគ្រប់កម្រិតជាមួយរាជរដ្ឋាភិបាលកម្ពុជា និងថៃ ដើម្បីឱ្យមានដំណោះស្រាយដោយសន្តិវិធី និងកាត់បន្ថយភាពតានតឹង។
រដ្ឋមន្ត្រីការបរទេសជប៉ុនបានលើកឡើងថា
ការប៉ះទង្គិចគ្នាដោយយោធារវាងប្រទេសថៃ និងកម្ពុជា កំពុងផ្ទុះឡើងម្ដងទៀត
ហើយកាលពីថ្ងៃទី២៤ ខែធ្នូ ឆ្នាំ២០២៥ ការចរចាបទឈប់បាញ់បានចាប់ផ្ដើម
ប៉ុន្តែការប្រយុទ្ធគ្នានៅតែបន្តកើតមាន ហើយលោកជឿថា
ក្រសួងការបរទេសបានបង្កើនការចរចារ។
លោកបានចោទជាសំណួរថា តើរដ្ឋាភិបាលជប៉ុន
មានបំណងចូលទៅជួយប្រទេសទាំងពីរនេះដោយរបៀបណា? ចាប់តាំងពីខែធ្នូមក
ការប៉ះទង្គិចគ្នាដោយយោធារវាងកម្ពុជានិងថៃ កំពុងរីករាលដាលម្ដងទៀត
ហើយមានអ្នកស្លាប់បាត់បង់ជីវិតរួមទាំងជនស៊ីវិល
ការផ្លាស់ទីលំនៅរបស់ប្រជាជន និងការខូចខាតទីលំនៅជនស៊ីវិល
ហើយការខូចខាតកំពុងរីករាលដាល ហើយរដ្ឋាភិបាលជប៉ុន មានការព្រួយបារម្ភយ៉ាងខ្លាំងចំពោះស្ថានការណ៍នេះ។
លោកថា បច្ចុប្បន្ននេះ
អាជ្ញាធរការពារជាតិប្រទេសទាំងពីរ កំពុងស្ថិតក្នុងការពិគ្រោះយោបល់គ្នា។
រដ្ឋាភិបាលជប៉ុនសង្ឃឹមយ៉ាងមុតមាំថា តាមរយៈកិច្ចសន្ទនាបែបនេះ
បទឈប់បាញ់នឹងមានត្រូវបានសម្រច។
លោករដ្ឋមន្ត្រីបានរំលឹកផងដែរថា
កាលពីសប្តាហ៍មុន នៅថ្ងៃទី១៨ ខែធ្នូ ឆ្នាំ២០២៥
ក្នុងឱកាសនៃដំណើរទស្សនកិច្ចទៅកាន់ប្រទេសជប៉ុន
របស់រដ្ឋមន្ត្រីការបរទេសថៃ Sihasak បានជួបជាមួយរូបលោក
ហើយលោកបានលើកឡើងដោយផ្ទាល់នៅចំណុចនេះ (កិច្ចសន្ទនាបទឈប់បាញ់) ជាមួយរដ្ឋមន្ត្រីការបរទេសថៃ។
ប្រមុខការទូតជប៉ុនសង្កត់ធ្ងន់ថា «រហូតដល់ម្សិលមិញលោក Namazu អនុរដ្ឋមន្ត្រីជាន់ខ្ពស់ជប៉ុន
ត្រូវបានបញ្ជូនទៅប្រទេសកម្ពុជា
ដើម្បីធ្វើការជាមួយមន្ត្រីជាន់ខ្ពស់នៃក្រសួងការបរទេសកម្ពុជា
តាមរបៀបស្រដៀងគ្នានេះ (ជំរុញឱ្យមានកិច្ចសន្ទនាឈានទៅរកបទឈប់បាញ់)។
ចំពោះប្រទេសទាំងពីរ
រដ្ឋាភិបាលជប៉ុននឹងបន្តចូលរួមក្នុងកិច្ចសន្ទនានៅគ្រប់កម្រិត
ដើម្បីអំពាវនាវឱ្យមានដំណោះស្រាយដោយសន្តិវិធី
និងនឹងខិតខំប្រឹងប្រែងដើម្បីកាត់បន្ថយភាពតានតឹង»៕
Post a Comment