អ្នកជំនាញថៃព្រមានថា ទីក្រុងបាងកកមានហានិភ័យពីគ្រោះរញ្ជួយដី

 ប្រភព៖ The Nation Thailand

បាងកក៖ អ្នកជំនាញថៃបានព្រមានថា មានសេណារីយ៉ូមួយចំនួនត្រូវ​បាន​គេ​កំណត់​អត្តសញ្ញាណ ជាមួយនិងកម្រិតនៃការរញ្ជួយ​ដ៏​មាន​សក្ដានុពលក្នុងរង្វង់ ៩រ៉ិចទ័រមក​ពី​តំបន់​រញ្ជួយដីសកម្មចំនួន ៣ ​ដែលអាចបង្ក​ការ​គំរាមកំហែង​​ខ្លាំង​ដល់​រាជធានីបាងកក។

ការសិក្សាប្រវត្តិសាស្ត្របង្ហាញថា តំបន់រញ្ជួយដីសកម្មតែងជួបប្រទះនូវការរញ្ជួយដីកម្រិត ៨.៥រ៉ិចទ័រ ឬខ្ពស់ជាងនេះ ដោយព្រឹត្តិការណ៍ដ៏ធំចុងក្រោយបង្អស់ បានកើតឡើងប្រហែល ២៦០ឆ្នាំមុន។ សកម្មភាពរញ្ជួយដីនាពេលថ្មីៗ នៅទីក្រុង Mandalay ប្រទេសមីយ៉ាន់ម៉ា កាន់តែបង្ហាញពីភាពងាយរងគ្រោះ សម្រាប់ទីក្រុងបាងកកថែមទៀត ខណៈដែលចំណុចនៃការរញ្ជួយថ្មីៗនេះ គឺនៅឆ្ងាយពីតំបន់រញ្ជួយដីដែលបានរៀបរាប់ខាងលើ។

លោកសាស្ត្រាចារ្យ Penneung Wanichchai នាយកមជ្ឈមណ្ឌលស្រាវជ្រាវគ្រោះរញ្ជួយដីជាតិ របស់ប្រទេសថៃ បង្ហាញថា សណ្ឋានដីទន់របស់ទីក្រុងបាងកក ជំរុញឱ្យរលកនៃរញ្ជួយកើនឡើងពី ៣ទៅ៤ដង ជាពិសេសប៉ះពាល់ដល់អគារខ្ពស់ៗ។ លោកក៏បានសង្កត់ធ្ងន់ លើសារៈសំខាន់នៃការសាងសង់អគារ ដើម្បីទប់ទល់នឹងព្រឹត្តិការណ៍រញ្ជួយដីដ៏មានសក្តានុពល នៅរាជធានីរបស់ប្រទេសថៃមួយនេះ។

តំបន់ដែលអាចនាំមកនូវការរញ្ជួយមានដូចជា​នៅក្រុង Kanchanaburi ​ប្រទេសថៃ ដែលស្ថិតនៅចម្ងាយ​ត្រឹមតែ ២០០គីឡូម៉ែត្រ​ពី​ទីក្រុង​បាងកក ​អាច​បង្ក​ឱ្យ​មាន​ការ​រញ្ជួយ​ដី​កម្រិត ៧ ទៅ៧.៥រ៉ិចទ័រ។ ទីក្រុង Sagaing ដែលលាតសន្ធឹងកាត់ប្រទេសមីយ៉ាន់ម៉ា រួមទាំងទីក្រុង Mandalay និង Naypyidaw និងចូលទៅក្នុងសមុទ្រឥណ្ឌា Andaman អាចបង្កើតការរញ្ជួយដីកម្រិត ៨រ៉ិចទ័រ ដែលនឹងប៉ះពាល់ដល់ទីក្រុងបាងកក។

តំបន់អនុតំបន់ Andaman ដែលស្ថិតនៅតាមបណ្តោយតំបន់អនុតំបន់ Arakan ប្រទេសមីយ៉ាន់ម៉ា មានសក្តានុពលនៃការរញ្ជួយដីកម្រិត ៨.៥ទៅ៩រ៉ិចទ័រ ហើយទោះបីជានៅឆ្ងាយជាងទីក្រុង Sagaing ក៏ដោយ តែឥទ្ធិពលរបស់វាទៅលើទីក្រុងបាងកក គឺខ្លាំងក្លាដូចគ្នា៕