មូលដ្ឋានសមុទ្ររាម កងទ័ពជើងទឹក នៃកងយោធពលខេមរៈភូមិន្ទ និងរៀបចំការហ្វឹកហ្វឺនបាញ់គ្រាប់ពិតរយៈពេលពីរថ្ងៃ ចាប់ពីថ្ងៃទី១៧-ទី១៨ ខែធ្នូ ឆ្នាំ២០២៥ ដូច្នេះសូមអាជ្ញាធរ បណ្តាអង្គភាពពាក់ព័ន្ធ និងប្រជាពលរដ្ឋមេត្តាជ្រាបកុំមានការភាន់ច្រឡំ

ព្រះសីហនុ÷ មូលដ្ឋានសមុទ្ររាម កងទ័ពជើងទឹក នៃកងយោធពលខេមរភូមិន្ទ សូមជម្រាបជូន ដំណឹងដល់អាជ្ញាធរ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋក្នុងតំបន់ ឱ្យបានជ្រាបថា អង្គភាព នឹងរៀបចំការហ្វឹកហ្វឺនបាញ់គ្រាប់ពិត កាំភ្លើង AK47 សម្រាប់ពលនាវិកថ្មី របស់មជ្ឈមណ្ឌលហ្វឹកហ្វឺនពហុសាសន៍ មូលដ្ឋានសមុទ្ររាម នៅទីតាំងកងកាំភ្លើងការពារអាកាស ស្ថិតនៅភូមិអុង សង្កាត់រាម ក្រុងកំពង់សោម ខេត្តព្រះសីហនុ។

អាស្រ័យដូចបានជម្រាបជូនដំណឹងនេះ សូមអាជ្ញាធរ បណ្តាស្ថាប័ន អង្គភាពពាក់ព័ន្ធ ប្រជាពលរដ្ឋក្នុងតំបន់ មូលដ្ឋានសមុទ្ររាម សូមកុំមានការភាន់ច្រឡំ ឆោឡោព្រួយបារម្ភ នៅពេលដែលលឺសម្លេងកាំភ្លើង និងសូមចូលរួមរក្សានូវសន្តិសុខ សណ្តាប់ធ្នាប់សង្គម។

ការហ្វឹកហ្វឺនបាញ់គ្រាប់ពិតនេះមានរយៈពេល០២ថ្ងៃ គឺ៖ ចាប់ពីថ្ងៃទី១៧ និងថ្ងៃទី១៨ ខែធ្នូ ឆ្នាំ២០២៥ ខាងមុខនេះ៕