សម្តេចធិបតី មិនខ្វល់ពីយុទ្ធសាស្រ្តផ្ការីក​របស់មេឧទ្ទាមក្រៅច្បាប់ទេ គឺខ្វល់ពីការពង្រីក សមិទ្ធផលនានា

ខេត្តកណ្តាល ៖ សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានមានប្រសាសន៍ថា សម្តេចមិនយកពេលវេលា ដ៏មានតម្លៃទៅខ្វល់ខ្វាយពីយុទ្ធសាស្រ្តផ្ការីក របស់មេឧទ្ទាមក្រៅច្បាប់ទេ គឺខ្វល់តែពីការពង្រីកសមិទ្ធផលនានា ដើម្បីផលប្រយោជន៍ប្រជាពលរដ្ឋ នៅគ្រប់ទិសទីទូទាំងប្រទេស ។

សម្តេចថា សមិទ្ធផលនេះគឺ ប្រជាពលរដ្ឋចង់បានគ្រប់គ្នា ។ នេះហើយគឺជាផ្ការីក នៃសមិទ្ធផលរបស់គណបក្ស ប្រជាជនកម្ពុជា។

សម្តេចមានប្រសាសន៍បែបនេះ ក្នុងឱកាសអញ្ជើញជាអធិបតីបើកការដ្ឋានគម្រោងអភិវឌ្ឍន៍ប្រព័ន្ធចម្រោះទឹកកខ្វក់ក្នុងក្រុងតាខ្មៅ ខេត្តកណ្តាល នាព្រឹកថ្ងៃទី៦ ខែឧសភា ឆ្នាំ២០២៥នេះ៕