កិច្ចពិភាក្សាត្រៀមរៀបចំផែនការកិច្ចសហប្រតិបត្តិការ រុករកអដ្ឋិធាតុកងទ័ពស្ម័គ្រចិត្ត និងជំនាញការវៀតណាម សម្រាប់រដូវប្រាំង ២០២៥-២០២៦

អត្ថបទ៖ ជឹម ទូច

ខេត្តមណ្ឌលគិរី ៖ នៅព្រឹកថ្ងៃព្រហស្បតិ៍ ១២ រោច ខែចេត្រ ឆ្នាំម្សាញ់ សប្តស័ក ពុទ្ធសករាជ ២៥៦៨ត្រូវនឹងថ្ងៃទី២៤ ខែមេសា ឆ្នាំ២០២៥ លោកស្រី វិន ស៊ីធួន អភិបាលរង នៃគណៈអភិបាលខេត្ត បានអញ្ជើញជួប និងសំណេះសំណាល់ពិភាក្សាលើការងារត្រៀមរៀបចំផែនការកិច្ចសហប្រតិបត្តិការ រុករកអដ្ឋិធាតុកងទ័ពស្ម័គ្រចិត្ត និងជំនាញការវៀតណាមដែលបានពលីនៅកម្ពុជា សម្រាប់រដូវប្រាំង ២០២៥-២០២៦។

កិច្ចពិភាក្សានេះ ភាគីវៀតណាមដឹកនាំដោយ លោក វ.ឯក ត្រឹង មិញចុង ប្រធាននយោបាយបញ្ជាការដ្ឋានយោធាខេត្ត និងជា អនុប្រធានអចិន្ត្រៃយ៍ គណៈកម្មការជំនាញខេត្តដាក់ឡាក់ (ប្រធានគណៈប្រតិភូ) ដោយមានការអញ្ជើញចូលរួមពីសំណាក់ លោកនាយករង រដ្ឋបាលសាលាខេត្ត លោកមេបញ្ជាការរង កងកម្លាំងទាំងបី លោក លោកស្រីប្រធាន អនុប្រធានមន្ទីរ អង្គភាព ពាក់ព័ន្ធ លោក លោកស្រីអភិបាល អភិបាលរង ក្រុង-ស្រុក និងមន្ត្រីជំនាញពាក់ព័ន្ធ កិច្ចពិភាក្សានេះប្រព្រឹត្តទៅនៅសាលប្រជុំសុខដុម អគាររដ្ឋបាលខេត្ត៕