ចិនបញ្ជូនក្រុមគ្រូពេទ្យជំនាញ ទៅជួយដល់កុងហ្គោដែលកំពុងផ្ទុះជំងឺអេបូឡា

ប៉េកាំង៖ អ្នកនាំពាក្យក្រសួងការបរទេសចិន លោក Lin Jian បាននិយាយនាថ្ងៃចន្ទ ទី១ ខែមិថុនា ឆ្នាំ២០២៦ ថាចិននឹងបញ្ជូនក្រុមអ្នកឯកទេសវេជ្ជសាស្ត្រ ទៅកាន់សាធារណរដ្ឋប្រជាធិបតេយ្យកុងហ្គោ ដើម្បីជួយដោះស្រាយបញ្ហាផ្ទុះឡើងនៃជំងឺអេបូឡា។

លោក Lin បន្ថែមថា រដ្ឋាភិបាលចិនសម្រេចផ្តល់ការជួយក្នុងនាមមនុស្សធម៌ ដល់កុងហ្កោ ហើយនឹងបន្តធ្វើជួយឱ្យបានច្រើន ទៅតាមលទ្ធភាព។

យោងតាមអង្គការសុខភាពពិភពលោក WHO គិតត្រឹមថ្ងៃសុក្រសប្តាហ៍មុន មានករណីសង្ស័យឆ្លងជំងឺអេបូឡាចំនួន ៩០៦ករណី នៅក្នុងប្រទេសកុងហ្គោ រួមទាំងករណីសង្ស័យស្លាប់ដោយសារជំងឺអេបូឡាចំនួន ២២៣ករណីកំពុងស្ថិតក្នុងការស៊ើបអង្កេត៕ (Reuters)