អគ្គនាយកដ្ឋានគយ និងរដ្ធាករកម្ពុជា បញ្ជាឱ្យមន្ត្រីពង្រឹងការត្រួតពិនិត្យ ទប់ស្កាត់ការលួចនាំចូលទុរេនថៃ តាមគ្រប់ច្រកព្រំដែន
រាជធានីភ្នំពេញ ៖ អគ្គនាយកដ្ឋានគយ និងរដ្ឋករកម្ពុជា បានជម្រាបទៅកាន់លោក លោកស្រី ប្រធានលេខាធិការដ្ឋាន នាយកដា្ឋន សាខា និងការិយាល័យគយនិងរដ្ឋករ ស្តីពីការពង្រឹងប្រសិទ្ធភាព ក្នុងការគ្រប់គ្រងការនាំចូលផ្លែទុរេនស្រស់ពីថៃ។
បើតាមលិខិតលេខ ២៥៣៩/២៦ អ.គ.រ ចុះថ្ងៃទី៤ ខែឧសភា ឆ្នាំ២០២៦ ដែលចុះហត្ថលេខាដោយ ឯកឧត្ដមបណ្ឌិត គុណ ញឹម រដ្ឋមន្ត្រីប្រតិភូអមនាយករដ្ឋមន្ត្រី ជាអគ្គនាយកនៃអគ្គនាយកដ្ឋានគយនិងរដ្ឋាករកម្ពុជា បានជម្រាបមកលោក/លោកស្រីជ្រាបថា ផ្លែទុរេនស្រស់ ដែលមានដើមកំណើតពីប្រទេសថៃ ជាទំនិញហាមឃាត់ដាច់ខាត លើការនាំចូល។ក្នុងន័យនេះ ដើម្បីចូលរួមទប់ស្កាត់ការនាំចូលដោយខុសច្បាប់ នូវផ្លែទុរេនស្រស់ អគ្គនាយកដ្ឋានគយនិងរដ្ឋាករកម្ពុជា សូមធ្វើការណែនាំដូចខាងក្រោម ៖
ត្រូវតាមដាន និងទប់ស្កាត់ឱ្យបានម៉ឹងម៉ាត់ នូវរាល់ការប៉ុនប៉ងលួចនាំចូលផ្លែទុរេនស្រស់ ដែលមានដើមកំណើតពីប្រទេសថៃ មកកាន់ប្រទេសកម្ពុជា តាមគ្រប់មាត់ច្រកព្រំដែន រាប់បញ្ចូលទាំងច្រករបៀង, កំពង់ផែ, និងការដឹកជញ្ជូនឆ្លងកាត់តាមប្រទេសឡាវ ឬប្រទេសវៀតណាម ផងដែរ ៕
Post a Comment