លោក Xi Jinping អញ្ជើញចូលរួមនិងថ្លែងសុន្ទរកថាគន្លឹះក្នុងកិច្ចប្រជុំដំណាក់កាលទី ២ នៃកិច្ចប្រជុំកំពូល BRICS លើកទី ១៨
បរទេស៖ នាព្រឹកថ្ងៃទី១៣ ខែកញ្ញា យោងតាមពេលវេលានៅក្នុងទីក្រុង New Delhi ប្រទេសឥណ្ឌា លោក Xi Jinping ប្រធានរដ្ឋចិនបានអញ្ជើញចូលរួមក្នុងកិច្ចប្រជុំដំណាក់កាលទី ២ នៃកិច្ចប្រជុំកំពូល BRICS លើកទី១៨ និងថ្លែងសុន្ទរកថាគន្លឹះក្រោមប្រធានបទ «ពង្រឹងមូលដ្ឋានគ្រឹះនៃកិច្ចសហប្រតិបត្តិការ BRICSពង្រីកកម្លាំងរបស់ប្រទេសសកលខាងត្បូង»។
លោក Xi Jinping បានលើកឡើងនូវគំនិតផ្តួចផ្តើមចំនួន ៥គឺ៖ ទី១ គំនិតផ្តួចផ្តើម ស្តីពីបញ្ញាសិប្បនិម្មិតប្រភពបើកចំហ និងផ្តល់ផលប្រយោជន៍ជាទូទៅ; ទី២ គំនិតផ្តួចផ្តើម ស្តីពីការផ្តល់ភាពងាយស្រួលដល់ពាណិជ្ជកម្ម និងការវិនិយោគ; ទី៣ គំនិតផ្តួចផ្តើមស្តីពី កិច្ចសហប្រតិបត្តិការក្នុងវិស័យឧស្សាហកម្មឌីជីថល; ទី៤ គំនិតផ្តួចផ្តើមស្តីពីកិច្ចសហប្រតិបត្តិការក្នុងវិស័យផលិតកម្មឆ្លាតវៃ និង ទី៥ គំនិតផ្តួចផ្តើមស្តីពីការបណ្តុះបណ្តាលធនធានមនុស្ស ក្នុងវិស័យវិទ្យាសាស្ត្រ និងបច្ចេកវិទ្យា។លោកបានសង្កត់ធ្ងន់ថា គួរផ្អែកលើទីផ្សារងើបឡើងថ្មី និងតភ្ជាប់ជាមួយឧត្តមភាពរបស់បណ្តាប្រទេសសកលខាងត្បូង ប្រកាន់ខ្ជាប់នូវកិច្ចសហប្រតិបត្តិការបែបបើកទូលាយ និងផ្តល់ផលប្រយោជន៍ទៅវិញទៅមក គាំពារស្ថិរភាពនិងភាពរលូននៃខ្សែសង្វាក់ឧស្សាហកម្មនិងខ្សែសង្វាក់ផ្គត់ផ្គង់ និងកសាងទីផ្សារទម្រង់សមាហរណកម្ម ។ លោកបានអំពាវនាវ ឱ្យអភិវឌ្ឍឧស្សាហកម្មងើបឡើងថ្មីនិងឧស្សាហកម្មនាពេលអនាគត ដើម្បីជំរុញវិបុលភាពរួម តាមរយៈបច្ចេកវិទ្យាងើបឡើងថ្មី។
លោកបានបន្តថា "ផែនការប្រាំឆ្នាំទី ១៥" របស់ចិនមិនត្រឹមតែជាផែនការអភិវឌ្ឍរបស់ចិនប៉ុណ្ណោះទេ ថែមទាំងជាបញ្ជីកិច្ចសហប្រតិបត្តិការរបស់ពិភពលោកផដែរ ។ ប្រទេសចិន នឹងបន្តជំរុញការអភិវឌ្ឍប្រកបដោយគុណភាពខ្ពស់ ពង្រីកការបើកទូលាយកម្រិតខ្ពស់ដើម្បីចែករំលែកកាលានុវត្តភាពជាមួយបណ្តាប្រទេសនានាជុំវិញពិភពលោក និងរួមគ្នា ចារទំព័រថ្មី នៃសាមគ្គីភាព និងការអភិវឌ្ឍដោយខ្លួនឯងរបស់ប្រទេសសកលខាងត្បូង ៕
Post a Comment