តើដូចម្តេចដែលហៅថា «អគ្គនាយក» ហើយដូចម្តេចដែលហៅថា «ចាងហ្វាងការផ្សាយ?» តើពាក្យទាំងពីរនេះមានអត្ថន័យខុសគ្នាយ៉ាងដូចម្តេច?

រាជធានីភ្នំពេញ÷ ប៉ុន្មានថ្ងៃនេះសង្កេតឃើញមានការរិះគន់ ចំពោះការប្រើពាក្យ «អគ្គនាយក» នៅក្នុងវិស័យសារព័ត៌មាន នាំឱ្យមានការវែកញែកបែកផ្សែងទៅតាមការយល់ឃើញផ្សេងៗគ្នា ដែលអ្នកខ្លះយល់ឃើញតាមបែបអារម្មណ៍ខ្លួនឯង ហើយអ្នកខ្លះទៀតក៏យល់តាមរបៀបគេហៅថា «តែៗស្ករៗ»។

ទោះបីជាក្នុងវចនានុក្រមសម្តេចជួនណាត មិនបានពន្យល់លម្អិតអំពីការប្រើពាក្យ «អគ្គនាយក» និង«ចាងហ្វាងការផ្សាយ» ប៉ុន្តែការប្រើពាក្យ «អគ្គនាយក» ក្នុងវិស័យសារព័ត៌មានក៏មិនខុសអ្វីដែរ បើសិនជាអង្គភាពសារព័ត៌មាន ឬស្ថាប័នប្រព័ន្ធផ្សព្វផ្សាយនោះ មានរចនាសម្ព័ន្ធដឹកនាំការ

ងារបែបរដ្ធបាល និងមានបុគ្គលិកច្រើននាក់។

នៅក្នុងអង្គភាពសារព័ត៌មាន ឬស្ថាប័នប្រព័ន្ធផ្សព្វផ្សាយដូចជា (ទូរទស្សន៍ វិទ្យុ សារព័ត៌មានអនឡាញ ឬសារព័ត៌មានបោះពុម្ពផ្សាយ) តួនាទីជា «អគ្គនាយក» (General Director ឬ Managing Director) គឺជាប្រមុខដឹកនាំជាន់ខ្ពស់បំផុតម្នាក់ក្នុងអង្គភាព ឬស្ថាប័ននោះ ដែលមានតួនាទីគ្រប់គ្រងលើកិច្ចការរដ្ឋបាល ហិរញ្ញវត្ថុ យុទ្ធសាស្ត្រ និងទិសដៅរួមរបស់អង្គភាព ឬស្ថាប័នទាំងមូល។

ក/ អំពី​ឋានានុក្រម៖ ជាទូទៅតួនាទី «អគ្គនាយក» ស្ថិតនៅពីលើ «អគ្គនាយករង» និងនាយកផ្នែកនានាដូចជា (នាយកផ្នែកការផ្សាយ ឬនាយកផ្នែកព័ត៌មានជាដើម)។

ខ/ តើភាពខុសគ្នារវាង «អគ្គនាយក» (General Director ឬ Managing Director) និង«ចាងហ្វាងការផ្សាយ»
(Editor-in-Chief / Publisher) មានអត្ថន័យខុសគ្នាយ៉ាងដូចម្តេច?

១/ ​អគ្គនាយក (Editor-in-Chief/Publishers)៖ ផ្តោត

សំខាន់លើការគ្រប់គ្រងស្ថាប័នទាំងមូល (ការធ្វើអាជីវកម្ម រដ្ឋបាល និងយុទ្ធសាស្ត្រទូទៅ)។

២/ ​ចាងហ្វាងការផ្សាយ (Editor-in-Chief

/Publisher)៖ ជាអ្នកទទួលខុសត្រូវផ្ទាល់ ចំពោះមុខច្បាប់ និងខ្លឹមសារព័ត៌មានទាំងអស់ ដែលបានផ្សព្វផ្សាយចេញទៅ។

សូមជម្រាបជូនថា បច្ចុប្បន្នវិស័យសារព័ត៌មាននៅកម្ពុជា ត្រូវបានចាត់ទុកជា សហគ្រាសអាជីវកម្មជាប់ពន្ធខ្នាតតូច ដូច្នេះក្នុងស្ថាប័នសារព័ត៌មានខ្លះ បុគ្គលម្នាក់អាចកាន់តួនាទីទាំងពីរគឺ «អគ្គនាយក» និង«ចាងហ្វាងការផ្សាយ» ក្នុងពេលជាមួយគ្នា ជាពិសេសស្ថាប័នខ្នាតតូច ឬមធ្យម៕

(កុំភ្លេចជិតដល់ឆ្នាំត្រូវបង់ពន្ធប៉ាតង់ប្រចាំឆ្នាំទៀតហើយ)