លោក Wang Yi ចូលរួមកិច្ចប្រជុំជាន់ខ្ពស់ស្តីពីខួប ៥ ឆ្នាំនៃគំនិតផ្តួចផ្តើមអភិវឌ្ឍន៍សកល
បរទេស៖ ថ្ងៃទី២៨ ខែកក្កដា នៅក្រុងប៉េកាំងលោក Wang Yi សមាជិកការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិន និងជារដ្ឋមន្ត្រីក្រសួងការបរទេសចិនបានចូលរួមកិច្ចប្រជុំជាន់ខ្ពស់ស្តីពីខួប ៥ ឆ្នាំនៃគំនិតផ្តួចផ្តើមអភិវឌ្ឍន៍សកល និងថ្លែងសុន្ទរកថា។
លោក Wang Yi បានថ្លែងថា បច្ចុប្បន្ន សភាពការណ៍អន្តរជាតិមានភាពច្របូកច្របល់ ដែលកាន់តែរំលេចពីអត្ថន័យជាយុគសម័យនៃគំនិតផ្តួចផ្តើមអភិវឌ្ឍន៍សកល។ យើងគួរបន្តជ្រោងទង់នៃការអភិវឌ្ឍ ជំរុញយ៉ាងមុតមាំឱ្យគំនិតផ្តួចផ្តើមអភិវឌ្ឍន៍សកល តភ្ជាប់ជាមួយរបៀបវារៈអភិវឌ្ឍន៍នៃអង្គការសហប្រជាជាតិ។លោកបានលើកសំណើរថា ៖ ទីមួយ បង្កើនសាមគ្គីភាពនិងកិច្ចសហប្រតិបត្តិការ ដើម្បីបង្កបរិយាកាសអភិវឌ្ឍន៍ដោយសន្តិភាព។ ទីពីរ រួបរួមកម្លាំងចលករ ពន្លឿនការអនុវត្តរបៀបវារៈឆ្នាំ ២០៣០ ។ ទីបី ជំរុញការបើកទូលាយនិងរៀនសូត្រពីគ្នាទៅវិញទៅមក ដើម្បីពង្រឹងក្បាលម៉ាស៊ីននៃការអភិវឌ្ឍដោយច្នៃប្រឌិតថ្មី។ ទីបួន អនុវត្តពហុភាគីនិយម ដើម្បីកែលម្អប្រព័ន្ធអភិបាលកិច្ចសកល៕
Post a Comment