ពិព័រណ៍ចិន-អាស៊ីខាងត្បូងលើកទី ១០ បើកសម្ពោធនៅទីក្រុងគុនមីង
បរទេស៖ នៅថ្ងៃទី ១១ ខែមិថុនា ពិព័រណ៍ចិន-អាស៊ីខាងត្បូងលើកទី ១០ ដែលមានរយៈពេល ៦ ថ្ងៃ បានបើកធ្វើនៅទីក្រុងគុនមីង ខេត្តយូណាន ។ ប្រទេស តំបន់ និងអង្គការអន្តរជាតិចំនួន ៦៨ បានចូលរួមក្នុងពិព័រណ៍នេះ ដែលគ្របដណ្តប់លើតំបន់អាស៊ីខាងត្បូង អាស៊ីអាគ្នេយ៍ និងប្រទេសជាសមាជិក RCEP ។
ពិព័រណ៍អាស៊ីខាងត្បូងឆ្នាំ ២០២៦ នេះធ្វើក្រោមប្រធានបទ "សាមគ្គីភាពនិងកិច្ចសហប្រតិបត្តិការសម្រាប់ការអភិវឌ្ឍរួម" ។ ប្រទេសបង់ក្លាដែសជាប្រទេសកិត្តិយស ប្រទេសឡាវចូលរួមក្នុងនាមជាដៃគូពិសេស ហើយស្ថានទូតនិងស្ថានកុងស៊ុលនៃប្រទេសចំនួន ៧ ដូចជាអ៊ីតាលី អ៊ុយរូហ្កាយ និងអូស្ត្រាលីជាដើមបានរៀបចំពន្លាជាតិជាលើកដំបូង ។ ក្រុមហ៊ុនឈានមុខគេជិត ១០០ បានចូលរួមពិព័រណ៍នេះ ។ពិព័រណ៍អាស៊ីខាងត្បូងបានបើកធ្វើដោយជោគជ័យចំនួន ៩ លើកមកហើយ ដែលបានក្លាយជាវេទិកាសំខាន់សម្រាប់បង្កើនការផ្លាស់ប្តូរ ពង្រឹងកិច្ចសហប្រតិបត្តិការ និងស្វែងរកការអភិវឌ្ឍរួមរវាងប្រទេសចិននិងបណ្តាប្រទេសអាស៊ីខាងត្បូង ។ ទំហំពាណិជ្ជកម្មរវាងប្រទេសចិន និងបណ្តាប្រទេសនៅអាស៊ីខាងត្បូងនៅឆ្នាំ ២០២៥ មានចំនួនលើសពី ២០០ ប៊ីលានដុល្លារអាមេរិកកើនឡើង ១០.៧% បើប្រៀបធៀបនឹងរយៈពេលដូចគ្នានៃឆ្នាំ ២០២៦ ។ បច្ចុប្បន្ននេះ ប្រទេសចិនបានក្លាយជាដៃគូពាណិជ្ជកម្មធំបំផុតនៃប្រទេសប៉ាគីស្ថាន បង់ក្លាដែស និងស្រីលង្កាជាដើម ៕
Post a Comment