គោលការណ៍កំណត់ឋានន្តរស័ក្តិមន្ត្រីនគរបាលជាតិបន្តវេន អគ្គស្នងការផ្កាយ៤ អគ្គស្នងការរងផ្កាយ២ ស្នងការរាជធានី-ខេត្តត្រឹមផ្កាយ១

ភ្នំពេញ÷គោលការណ៍កំណត់ឋានន្តរស័ក្តិមន្ត្រីនគរបាលជាតិបន្តវេនស្របតាមមុខតំណែងនីមួយៗក្នុងរចនាសម្ព័ន្អអគ្គស្នងការនគរបាលជាតិ និងអង្គភាពនគរបាលថ្នាក់ប្រហាក់ប្រហែលដូចខាងក្រោម÷

- អគ្គស្នងការ នៃអគ្គស្នងការនគរបាលជាតិ មានឋានន្តរស័ក្តិ នាយឧត្តមសេនីយ៍។
- អគ្គនាយក នៃអគ្គនាយកដ្ឋាននានា និងថ្នាក់ប្រហាក់ប្រហែល មានឋានន្តរស័ក្តិ ឧត្តមសេនីយ៍ឯក។
- អគ្គស្នងការរង នៃអគ្គស្នងការនគរបាលជាតិ មានឋានន្តរស័ក្តិ ឧត្តមសេនីយ៍ឯក
- អគ្គនាយករង និងថ្នាក់ប្រហាក់ប្រហែល មានឋានន្តរស័ក្តិ ឧត្តមសេនីយ៍ទោ។
- ប្រធានសេនាធិការដ្ធាន និងប្រធាននាយកដ្ឋានកណ្តាល មានឋានន្តរស័ក្តិ ឧត្តមសេនីយ៍ទោ។
- អនុប្រធានសេនាធិការ និងអនុប្រធាននាយកដ្ឋានកណ្តាល មានឋានន្តរស័ក្តិ ឧត្តមសេនីយ៍ត្រី។
- ប្រធាននាយកដ្ឋាន ស្នងការនៃស្នងការដ្ឋាននគរបាលរាជធានី-ខេត្ត និងថ្នាក់ប្រហាក់ប្រហែល មានឋានន្តរស័ក្តិ ឧត្តមសេនីយ៍ត្រី។
- អនុប្រធាននាយកដ្ឋាន ស្នងការរងនៃស្នងការដ្ឋាននគរបាលរាជធានី-ខេត្ត និងថ្នាក់ប្រហាក់ប្រហែល មានឋានន្តរស័ក្តិ វរសេនីយ៍ឯក។
- នាយការិយាល័យ អធិការនៃអធិការដ្ឋាននគរបាលក្រុង-ស្រុក-ខណ្ឌ និងថ្នាក់ប្រហាក់ប្រហែល មានឋានន្តរស័ក្តិ វរសេនីយ៍ទោ។
- នាយរងការិយាល័យ អធិការរងនៃអធិដ្ឋាននគរបាលក្រុង-ស្រុក-ចណ្ឌ និងថ្នាក់ប្រហាក់ប្រហែល មានឋានន្តរស័ក្តិ វរសេនីយ៍ត្រី។
- នាយផ្នែក នាយប៉ុស្តិ៍នគរបាលរដ្ឋបាលឃុំ-សង្កាត់ និងថ្នាក់ប្រហាក់ប្រហែល មានឋានន្តរស័ក្តិ អនុសេនីយ៍ឯក។
- នាយរងផ្នែក នាយរងប៉ុស្តិ៍នគរបាលរដ្ឋបាលឃុំ-សង្កាត់ និងថ្នាក់ប្រហាក់ប្រហែល មានឋានន្តរស័ក្តិ អនុសេនីយ៍ទោ៕