មេដឹកនាំកំពូលអ៊ីរ៉ង់ថ្មី តែងតាំងអតីតមេបញ្ជាការឆ្មាំបដិវត្តន៍ ជាទីប្រឹក្សាផ្នែកយោធា

តេហេរ៉ង់៖ ប្រព័ន្ធផ្សព្វផ្សាយក្នុងស្រុកអ៊ីរ៉ង់ បានរាយការណ៍កាលពីថ្ងៃចន្ទ ទី១៦ ខែមីនា ថាមេដឹកនាំកំពូលអ៊ីរ៉ង់ថ្មី បានតែងតាំងអតីតមេបញ្ជាការម្នាក់នៃកងកម្លាំងឆ្មាំបដិវត្តន៍អ៊ីរ៉ង់ ឱ្យធ្វើជាទីប្រឹក្សាផ្នែកយោធា។

យោងតាមទីភ្នាក់ងារព័ត៌មាន Mehr «ឧត្តមសេនីយ៍ Mohsen Rezaei ត្រូវបានតែងតាំងជាទីប្រឹក្សាយោធា តាមបទបញ្ជានៃមេដឹកនាំកំពូល Ayatollah Mojtaba Khamenei»។ ប្រព័ន្ធផ្សព្វផ្សាយដទៃទៀត ក៏បានរាយការណ៍អំពីការតែងតាំងនេះដែរ។

លោក Rezaei អាយុ ៧១ឆ្នាំ ពីមុនបានដឹកនាំកងបដិវត្តន៍អ៊ីស្លាម ដែលជាអង្គភាពមនោគមវិជ្ជារបស់យោធាអ៊ីរ៉ង់។ តាំងពីពេលនោះមក លោកបានកាន់តំណែងជាន់ខ្ពស់ជាច្រើន នៅក្នុងប្រព័ន្ធនយោបាយអ៊ីរ៉ង់។

សូមជម្រាបថា អ៊ីរ៉ង់ កំពុងធ្វើសង្រ្គាមជាមួយសហរដ្ឋអាមេរិក និងអ៊ីស្រាអែល ហើយដែលបានរាលដាលទូទាំងតំបន់មជ្ឈិមបូព៌ា៕ (AFP)