ឧត្តមសេនីយ៍ទោ ហេង វុទ្ធី អញ្ជើញចូលរួមក្នុងពិធីបិទវគ្គបណ្តុះបណ្តាលស្តីពី នីតិវិធីស៊ើបអង្កេត និងការកំណត់អត្តសញ្ញាណជនរងគ្រោះ

ខេត្តកំពង់ចាម៖ នារសៀលថ្ងៃពុធ ទី១៦ ខែកក្កដា ឆ្នាំ២០២៥នេះ នៅស្នងការដ្ឋាននគរបាលខេត្តកំពង់ចាម បានរៀបចំពិធីបិទវគ្គបណ្តុះបណ្តាល ស្តីពីនីតិវិធីស៊ើបអង្កេតករណីជួញដូរមនុស្សគ្រប់ទម្រង់ និងការកំណត់អត្តសញ្ញាណជនរងគ្រោះ ក្រោមអធិបតីភាព ឧត្តមសេនីយ៍ឯក ជីវ ផល្លី អគ្គស្នងការរងនគរបាលជាតិ ។

ពិធីនេះក៏មានការអញ្ជើញចូលពី លោកឧត្តមសេនីយ៍ទោ ហេង វុទ្ធី ស្នងការនគរបាលខេត្តកំពង់ចាម, លោក-លោកស្រី ជាស្នងការរង, នាយការិយាល័យ, នាយរងការិយាល័យ លោកអធិការ-អធិការរងនគរបាលក្រុង/ស្រុក និងលោកនាយប៉ុស្តិ៍នគរបាលរដ្ឋបាលឃុំ/សង្កាត់ ទាំង១០៩ ៕