ឧត្តមសេនីយ៍ឯក មុឹង ពន្លក អញ្ជើញប្រគល់រថយន្តសង្គ្រោះបន្ទាន់ជូនកងការពារព្រំដែនលេខ៥០១ និងសម្ភារបរិក្ខារវេជ្ជសាស្រ្ត ជូនមន្ទីរពេទ្យយោធភូមិភាគទី៥

ភ្នំពេញ៖ នៅព្រឹកថ្ងៃពុធ ២រោច ខែមាឃ ឆ្នាំម្សាញ់ សប្តស័ក ព.ស២៥៦៩ ត្រូវនឹងថ្ងៃទី៤ ខែកុម្ភៈ ឆ្នាំ២០២៦ ឯកឧត្តម ឧត្តមសេនីយ៍ឯក មុឹង ពន្លក អគ្គនាយក អគ្គនាយកដ្ឋានភស្តុភារ ហិរញ្ញវត្ថុក្រសួងការពារជាតិ អញ្ជើញជាអធិបតីក្នុងពិធីប្រគល់រថយន្តសង្គ្រោះបន្ទាន់ ដែលជាអំណោយរបស់ឯកឧត្តម អគ្គនាយក និងលោកជំទាវផ្ទាល់ ជូនដល់កងការពារព្រំដែនលេខ ៥០១ និងប្រគល់អំណោយជូនមន្ទីរពេទ្យយោធភូមិភាគទី៥ រួមមាន៖ គ្រែពេទ្យ, ជើងសេរ៉ូម, ឱសថ សម្ភារបរិកា្ខរវេជ្ជសាស្រ្ត និងថវិកា។

 ឆ្លៀតក្នុងឱកាសនោះដែរ ឯកឧត្តមអញ្ជើញសាកសួរសុខទុក្ខ និងបាននាំយកមកនូវជាគ្រឿងឧបភោគ បរិភោគ និងថវិកាដែលជាអំណោយរបស់ ឯកឧត្តម មុឹង ពន្លក និងលោកជំទាវ ខៀវ សសុីលៀប ស្ថាបនិកា និងជានាយិកាក្រុមប្រឹក្សាភិបាលក្រុមហ៊ុន ហនុមានប៊ែវើរីជីស ជូនដល់វីរៈកងទ័ពដែលកំពុងសម្រាកព្យាបាលជំងឺ និងរបួសនៅមន្ទីរពេទ្យយោធភូមិភាគទី៥(ពពីរ) ផងដែរ៕