សិង្ហបុរី ជំរុញឱ្យកម្ពុជា និងថៃ មានការអត់ធ្មត់ ជុំវិញបញ្ហាជម្លោះព្រំដែន

សិង្ហបុរី៖ សិង្ហបុរី បានអំពាវនាវឱ្យកម្ពុជា និងថៃ មានការអត់ធ្មត់ នៅចំពោះមុខការកើនឡើងភាពតានតឹងរវាងប្រទេសជាសមាជិកអាស៊ានទាំង២។ នេះបើតាមអ្នកនាំពាក្យម្នាក់នៃក្រសួងការបរទេសសិង្ហបុរី។

អ្នកនាំពាក្យក្រសួងការបរទេសសិង្ហបុរី បានគូសបញ្ជាក់កាលពីថ្ងៃព្រហស្បតិ៍ ទី២៤ ខែកក្កដា ដូច្នេះថា «សិង្ហបុរីមានការព្រួយបារម្ភជាខ្លាំងចំពោះការប៉ះទង្គិចគ្នា និងអំពាវនាវឱ្យប្រទេសទាំង២អនុវត្តការអត់ធ្មត់ និងបញ្ឈប់អរិភាពនឹងគ្នា។ យើងអំពាវនាវឱ្យពួកគេបន្ធូរបន្ថយភាពតានតឹងតាមរយៈការយន្ដការការទូត និងធានាសុវត្ថិភាពជនស៊ីវិល»។ ក្រសួងការបរទេសសិង្ហបុរីក៏បានណែនាំឱ្យពលរដ្ឋសិង្ហបុរីចៀសវាងការធ្វើដំណើរទៅកាន់តំបន់ព្រំដែននៃប្រទេសទាំង២ផងដែរ៕ (ប្រភព៖ CNA)