រយៈពេលជាង៤ខែ ស្នងការដ្ឋាននគរបាលខេត្តកំពត ចុះធ្វើអត្តសញ្ញាណប័ណ្ណជូនសិស្ស និងប្រជាពលរដ្ឋបានចំនួន ២៨៤១នាក់

អត្ថបទ ៖ ទ្រី ហៀន

ខេត្តកំពត៖ ស្នងការដ្ឋាននគរបាលខេត្តកំពតបានឲ្យដឹងថា គិតចាប់តាំងពីថ្ងៃទី២៩ ខែមេសា ឆ្នាំ២០២៤ រហូតដល់ថ្ងៃទី១៦ ខែសីហា ឆ្នាំ២០២៤ ការចុះធ្វើអត្តសញ្ញាណប័ណ្ណតាមរថយន្តចល័តជូនដល់សិស្ស និងប្រជាពលរដ្ឋនៅតាមក្រុង/ស្រុកទាំង៩ បានចំនួន២៤វិទ្យាល័យ និងមានអ្នកមកធ្វើអត្តសញ្ញាណប័ណ្ណបានចំនួន២៨៤១នាក់ ស្រីចំនួន១៦១៣នាក់។

នេះបើតាមការបង្ហោះតាមបណ្តាញសង្គមហ្វេសប៊ុក Facebook របស់លោកឧត្តមសេនីយ៍ទោ ម៉ៅ ច័ន្ទមធុរិទ្ធិ ស្នងការ នៃស្នងការដ្ឋាននគរបាលខេត្តកំពត នាព្រឹកថ្ងៃទី២៩ ខែសីហា ឆ្នាំ២០២៤នេះ៕