ថ្នាក់ដឹកនាំ និងក្រុមការងារព័ត៌មាន«ភ្នំពេញដេលី» ប្រកាសថ្កោលទោសគ្រប់សកម្មភាពបែបតិរច្ឆានរបស់ក្រុមជ្រុលនិយមថៃ ដែលបានប្រមាថមកលើ សម្តេចតេជោ ហ៊ុន សែន និងថ្នាក់ដឹកនាំកម្ពុជា

ខ្ញុំបាទ ថោង វណ្ណា និងក្រុមការងារអង្គភាពសារព័ត៌មាន«ភ្នំពេញដេលី»ទាំងអស់ សូមប្រកាសថ្កោលទោសចំពោះក្រុមជ្រុលនិយមជនជាតិថៃ ដែលបានធ្វើទង្វើអសីលធម៌ បែបប្រមាថមកលើ សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទី និងជាប្រធានព្រឹទ្ធសភា  រួមនិងឥស្សរជនថ្នាក់ដឹកនាំជាន់ខ្ពស់ នៃព្រះរាជាណាចក្រកម្ពុជា ទៅធ្វើការប្រមាថជាសាធារណៈក្នុងរូបភាពផ្សេងៗ ដែលជាអំពើអមនុស្សធម៌ និងគួរឱ្យស្អប់ខ្ពើមបំផុត ប៉ះពាល់យ៉ាងធ្ងន់ធ្ងរដល់សេចក្តីថ្លៃថ្នូររបស់មនុស្សជាតិ។

ក្នុងនាមថ្នាក់ដឹកនាំ និងក្រុមការងារអង្គភាពសារព័ត៌មាន«ភ្នំពេញដេលី» សូមប្រកាសថ្កោលទោសយ៉ាងដាច់អហង្ការ ចំពោះគ្រប់សកម្មភាពបែបតិរច្ឆានរបស់ជនជាតិថៃទាំងឡាយណាដែលបានប្រព្រឹត្តមកលើ សម្តេចតេជោ ហ៊ុន សែន និងថ្នាក់ដឹកនាំកំពូលរបស់ព្រះរាជាណាចក្រកម្ពុជា។
យើងខ្ញុំ ស្នើសុំដល់ថ្នាក់ដឹកនាំរដ្ធាភិបាលថៃ មេត្តាចាត់វិធានការក្រុមជ្រុលនិយមទាំងនេះ ដើម្បីទប់ស្កាត់កុំឱ្យកើតមាននូវទង្វើអសីលធម៌បែបប្រមាថដូច្នេះតទៅទៀត។
ទន្ទឹមនេះ យើងខ្ញុំសូមប្រកាសគាំទ្រយ៉ាងពេញទំហឹង ចំពោះគោលជំហរឆ្លើយតបប្រកបដោយភាពវិជ្ជមាន និងភាពថ្លៃថ្នូររបស់ សម្តេចតេជោ ហ៊ុន សែន តាមរយៈសារអំពាវនាវទៅដល់ប្រជាពលរដ្ឋខ្មែរឱ្យរក្សារភាពស្ងប់ស្ងាត់ អត់ធ្មត់ខ្ពស់ ចៀសវាងការសងសឹក និងប្រកាន់ភ្ជាប់នូវស្មារតីឯកភាពជាតិ ដែលប្រការនេះបានបង្ហាញឱ្យឃើញពីភាពចាស់ទុំ ថ្លៃថ្នូរដ៏ឧត្តុង្គឧត្តម នៃប្រជាជាតិកម្ពុជា៕