អ្នកឧកញ៉ា ទៀ វិចិត្រ បញ្ជូនអូប័រល្បឿនលឿន​ទៅកោះរ៉ុងយកទាហានជេីងទឹកម្នាក់ មកសង្គ្រោះនៅមន្ទីរពេទ្យបង្អែកខេត្ត​ ក្រោយត្រូវឱម៉ាល់ទិច

 អត្ថបទ៖ ទឹង សុភាព

ខេត្តព្រះសីហនុ៖​ អ្នកឧកញ៉ា ទៀ វិចិត្រ បានបញ្ជូនអូប័រល្បឿនលឿន​ GTVC មួយគ្រឿង​ ចេញទៅក្រុងកោះរ៉ុង នៅរសៀលថ្ងៃទី២២ ខែតុលា ឆ្នាំ២០២៥នេះ ដើម្បីជួយកងទ័ពជើងទឹកម្នាក់ ដែលត្រូវសត្វឱម៉ាល់ទិច​ ប្រហែល30មេ មកសង្គ្រោះនៅមន្ទីរពេទ្យបង្អែកខេត្ត។

ងទ័ពជើងទឹកខាងលើនេះ​ អនុនាវាទោ មានឈ្មោះ​ កែវ សុបេន អាយុ៣១ឆ្នាំ មុខរបរ វរៈកងការពារកោះឆ្នេរកោះរ៉ុងលេខ០១ ត្រូវនាំបញ្ជូនមកសង្គ្រោះនៅមន្ទីរពេទ្យបង្អែកខេត្ត។ កងទ័ពរូបនេះ ត្រូវបានក្រុមការងារ របស់អ្នកឧកញ៉ា បញ្ជូនតាមអូប័រ មកកាន់កំពង់ផែទេសចរណ៍​ ក្រុងព្រះសីហនុដោយសុវត្ថិភាព នឹងបន្តដឹកតាមរថយន្តសង្គ្រោះក្រមហ៊ុន GTVC របស់អ្នកឧកញ៉ា យកទៅសង្គ្រោះបន្ទាន់នៅមន្ទីរពេទ្យ ក្នុងខេត្តព្រះសីហនុ។

ជាអកុសលជនរងគ្រោះបានដាច់ខ្យល់ស្លាប់នៅពេលបញ្ជូនមកដល់មន្ទីរពេទ្យ ហើយក្រុមការងាររបស់អ្នកឧកញ៉ា ទៀ វិចិត្រ បានបញ្ជូនទៅកោះរ៉ុងវិញផងដែរ៕