ហ្សេលេនស្គី ពិភាក្សាជាមួយ ត្រាំ អំពីការពង្រឹងប្រព័ន្ធការពារដែនអាកាស

កៀវ៖ ប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី (Volodymyr Zelenskiy) បាននិយាយនៅថ្ងៃអាទិត្យថា លោកបានសន្ទនាជាមួយប្រធានាធិបតីអាមេរិក លោក ដូណាល់ ត្រាំ ជាលើកទីពីរក្នុងរយៈពេលពីរថ្ងៃ ដើម្បីពិភាក្សាអំពីការពង្រឹងប្រព័ន្ធការពារដែនអាកាស, ភាពធន់ និងសមត្ថភាពវាយប្រហាររយៈចម្ងាយឆ្ងាយរបស់ទីក្រុងកៀវ។

ការសន្ទនានេះកើតឡើងស្របពេលដែលវិមានក្រឹមឡាំងបានសម្តែងការព្រួយបារម្ភយ៉ាងខ្លាំង អំពីលទ្ធភាពដែលសហរដ្ឋអាមេរិកអាចនឹងផ្គត់ផ្គង់មីស៊ីល Tomahawk ឱ្យអ៊ុយក្រែន។ លោក ត្រាំ ក៏បាននិយាយដែរថា លោកចង់ដឹងពីផែនការរបស់អ៊ុយក្រែនជាមុនសិន មុននឹងសម្រេចចិត្តផ្តល់មីស៊ីលទាំងនោះ ព្រោះលោកមិនចង់ឱ្យសង្គ្រាមកើនឡើងភាពតានតឹងបន្ថែមទៀតនោះទេ។

នៅលើបណ្តាញសង្គម X លោក ហ្សេលេនស្គី បានគូសបញ្ជាក់បន្ថែមថា «យើងក៏បានពិភាក្សាអំពីព័ត៌មានលម្អិតជាច្រើនដែលទាក់ទងនឹងវិស័យថាមពលផងដែរ។ ប្រធានាធិបតី ត្រាំ បានជ្រាបច្បាស់អំពីអ្វីៗទាំងអស់ដែលកំពុងកើតឡើង»។ លោកបានបន្ថែមថា ភាគីទាំងពីរបានឯកភាពគ្នាដើម្បីបន្តការសន្ទនា៕ (ប្រភព៖ Reuters)