អ៊ីរ៉ង់ ថាសំណើថ្មីរបស់អាមេរិកសម្រាប់កិច្ចចរចា មិនមានផែនការបន្ធូរបន្ថយទណ្ឌកម្មនោះទេ

 ប្រភព៖ AFP

តេហេរ៉ង់៖ ប្រធានសភារបស់ប្រទេសអ៊ីរ៉ង់ បាននិយាយថា សំណើថ្មីចុងក្រោយរបស់សហរដ្ឋអាមេរិក សម្រាប់កិច្ចព្រមព្រៀងនុយក្លេអ៊ែរ​ មិនមានបញ្ចូលនូវការដកទណ្ឌកម្មនោះទេ ដោយប្រព័ន្ធផ្សព្វផ្សាយរដ្ឋបានរាយការណ៍ថា ការចរចាហាក់ដូចជាមកដល់ផ្លូវគាំង។

ប្រធានសភាអ៊ីរ៉ង់ លោក Mohammad Bagher Ghalibaf បញ្ជាក់ថា ផែនការរបស់សហរដ្ឋអាមេរិក មិនសូម្បីតែនិយាយអំពីការដកទណ្ឌកម្ម។ វាជាសញ្ញានៃភាពមិនស្មោះត្រង់ ដែលទីក្រុងតេហេរ៉ង់ នឹងមិនទទួលយកឡើយ។ ប្រធានាធិបតីអាមេរិក (លោក ត្រាំ) គួរតែដឹងច្បាស់ ហើយផ្លាស់ប្តូរវិធីសាស្រ្តរបស់ខ្លួន បើពិតជាចង់បានកិច្ចព្រមព្រៀង»។

ចាប់តាំងពីខែមេសា សហរដ្ឋអាមេរិក-អ៊ីរ៉ង់បានធ្វើកិច្ចចរចាចំនួន ៥ជុំ ក្រោមការសម្របសម្រួលពីប្រទេសអូម៉ង់។ បញ្ហា​សំ​ខាន់ៗនៃការ​ចរចា ​គឺ​ការ​ដក​ទណ្ឌកម្ម​សេដ្ឋកិច្ច និង​ការ​កំណត់លើការចម្រាញ់​សារធាតុ​អ៊ុយរ៉ាញ៉ូម។

សូមជម្របថា សហរដ្ឋអាមេរិក និងសម្ព័ន្ធមិត្តលោកខាងលិច បានចោទប្រកាន់ជាយូរមកហើយថា អ៊ីរ៉ង់ចង់ផលិតអាវុធនុយក្លេអែរ ប៉ុន្តែអ៊ីរ៉ង់តែងតែបដិសេធ ដោយនិយាយថា កម្មវិធីនុយក្លេអ៊ែររបស់ខ្លួន គឺសម្រាប់គោលបំណងស៊ីវិលប៉ុណ្ណោះ៕