EU នឹងចាត់វិធានការឆ្លេីយតបវិញ​ចំពោះពន្ធដែកថែបរបស់​​ ត្រាំ

 ប្រភព៖ Reuters

ប៉ារីស៖​ រដ្ឋមន្ត្រីការបរទេសបារាំង​ លោក Jean-Noel Barrot បាននិយាយនាថ្ងៃចន្ទ​ ទី១០​ ខែកុម្ភៈនេះថា សហភាពអឺរ៉ុប​ (EU) នឹងឆ្លើយតបទៅចំពោះការប្រកាសដាក់ពន្ធថ្មីចុងក្រោយ​របស់ប្រធានាធិបតីអាមេរិក លោក​ដូណាល់​ ត្រាំ។​

​ លោក ត្រាំ បាននិយាយកាលពីថ្ងៃអាទិត្យថា​ លោកនឹងណែនាំពន្ធថ្មីចំនួន ២៥ភាគរយលើការនាំចូលដែកថែប និងអាលុយមីញ៉ូមមកសហរដ្ឋអាមេរិក បន្ថែមលេីពន្ធលោហៈដែលមានស្រាប់។

លោក Barrot បានប្រាប់ទូរទស្សន៍ក្នុងស្រុកថា​ បារាំង និងដៃគូអឺរ៉ុបមិនគួរស្ទាក់ស្ទើរឡេីយ ក្នុងការការពារផលប្រយោជន៍​របស់ពួកគេ ​ប្រឈមមុខនឹងការគំរាមដាក់ពន្ធរបស់សហរដ្ឋអាមេរិក។ នៅពេលត្រូវបានសួរថាតើបារាំង និង​ EU នឹងឆ្លើយតបដែរឬទេ? លោក Barrot និយាយថា ពិតណាស់... នេះជាអ្វីដែលលោក ត្រាំ​បានធ្វេីរួចហេីយឆ្នាំ ២០១៨ ហើយយើងក៏បានឆ្លើយតប។ ដូចនេះយើងក៏អាចឆ្លើយតបម្តងទៀត។

លោក​ Barrot បន្ថែមថា គណៈកម្មការអឺរ៉ុបនឹងសម្រេចថា តេីនឹងឆ្លេីយតបវិញលេីវិស័យណា។ យេីងបានត្រៀមខ្លួនរួចជាស្រេចដើម្បីធ្វេីនៅពេលដែលពេលវេលាមកដល់។ ឥឡូវពេលវេលាបានមកដល់ហើយ៕