ចិន អំពាវនាវឱ្យមានដំណោះស្រាយនយោបាយ ដើម្បីស្តារស្ថិរភាពប្រទេសស៊ីរី

 ប្រភព៖ Reuters

ប៉េកាំង៖ ក្រសួងការបទេសចិន បានអំពាវនាវឱ្យមានដំណោះស្រាយនយោបាយ នៅក្នុងប្រទេសស៊ីរី ដើម្បីស្តារស្ថិរភាព និងសណ្តាប់ធ្នាប់ឡើងវិញ បន្ទាប់ពីក្រុមឧទ្ទាមផ្តួលរំលំរដ្ឋាភិបាលប្រធានាធិបតី Bashar al-Assad។

កាលពីថ្ងៃអាទិត្យចុងសប្តាហ៍កន្លងទៅ ក្រុមឧទ្ទាមនៅស៊ីរី បានប្រកាសតាមទូរទស្សន៍រដ្ឋ ថាពួកគេបានបញ្ចប់របបគ្រប់គ្រង ៥០ឆ្នាំនៃគ្រួសារ Assad នៅក្នុងការវាយលុកដ៏លឿនគួរឱ្យភ្ញាក់ផ្អើល ដោយបង្កឱ្យមានការភ័យខ្លាចពីអស្ថិរភាពថ្មីទៀត នៅក្នុងតំបន់មជ្ឈិមបូព៌ា ដែលកំពុងជួបប្រទះនឹងសង្រ្គាមរួចទៅហើយ។

អ្នកនាំពាក្យក្រសួងការបរទេសចិន លោកស្រី Mao Ning បាននិយាយក្នុងសន្និសីទសារព័ត៌មានប្រចាំថ្ងៃថា ចិនកំពុងតាមដានយ៉ាងដិតដល់ ចំពោះការវិវត្តនៅក្នុងប្រទេសស៊ីរី ហើយសង្ឃឹមថា ភាគីពាក់ព័ន្ធទាំងអស់នឹងធ្វើសកម្មភាព ដើម្បីផលប្រយោជន៍ជាមូលដ្ឋានរបស់ប្រជាជនស៊ីរី។ លោកស្រីគូសបញ្ជាក់ថា «អនាគត និងជោគវាសនាស៊ីរី គួរតែត្រូវបានសម្រេចដោយប្រជាជនស៊ីរីផ្ទាល់ ហើយយើងសង្ឃឹមថា ភាគីពាក់ព័ន្ធនឹងស្វែងរកដំណោះស្រាយនយោបាយ ឱ្យបានឆាប់តាមដែលអាចធ្វើទៅបាន»៕