ទិដ្ឋភាពភ្ញៀវទេសចរចម្រុះជាតិសាសន៍ទស្សនាប្រាសាទអង្គរវត្ត

ខេត្តសៀមរាប៖ នាព្រឹកថ្ងៃទី៤ ខែកក្កដា ឆ្នាំ២០២៤នេះ ភ្ញៀវទេសចរចម្រុះជាតិសាសន៍ ទស្សនាប្រាសាទអង្គរវត្ត មានជាឯកជន គ្រួសារ មិត្តភក្តិ និងខ្លះមានមគ្គុទ្ទេសក៍អធិប្បាយរឿងរ៉ាវប្រវត្តិសាស្ត្រ ប្រវត្តិសិល្បៈ ស្ថាបត្យកម្ម និងថតផ្តិតរូបភាពផង មុននឹងបន្តដំណើរទៅទស្សនានៅតាមប្រាង្គប្រាសាទ និងគោលដៅទេសចរណ៍សំខាន់ៗជាច្រើនទៀត។

ប្រាសាទអង្គរវត្ត ជាទីទាក់ទាញភ្ញៀវទេសចរជាតិ និងអន្តរជាតិ ចូលមកទស្សនា និងថតផ្តិតរូបភាព។ ជាពិសេសសម្រស់ព្រះអាទិត្យរះនៅពេលព្រឹកព្រលឹម។

សូមភ្ញៀវទេសចរជាតិ និងអន្តរជាតិគោរពក្រមប្រតិបត្តិអង្គរ និងចូលរួមថែរក្សាបរិស្ថាននៅក្នុងរមណីយដ្ឋានអង្គរទាំងអស់គ្នា៕