ចិន គាំទ្រកិច្ចខិតខំប្រឹងប្រែងសម្របសម្រួលរបស់អាស៊ាន និងតួនាទីសំខាន់នៃក្រុមអ្នកសង្កេតការណ៍របស់ខ្លួន ក្នុងការត្រួតពិនិត្យបទឈប់បាញ់

បរទេស៖ ចាប់ពីថ្ងៃទី១៨ ដល់ថ្ងៃទី២៣ ខែធ្នូ ឆ្នាំ២០២៥ បេសកជនពិសេសរបស់ក្រសួងការបរទេសចិន (MFA) ទទួលបន្ទុកកិច្ចការអាស៊ី លោក ដេង ស៊ីជុន បានធ្វើដំណើរទស្សនកិច្ចការទូតមួយទៀតទៅកាន់កម្ពុជា និង ថៃ ដើម្បីសម្របសម្រួលជម្លោះព្រំដែននាពេលថ្មីៗនេះ។

នេះបើតាមអ្នកនាំពាក្យក្រសួងកិច្ចការបរទេសចិន លោក Guo Jiakun ចិនគាំទ្រកិច្ចខិតខំប្រឹងប្រែងសម្របសម្រួលរបស់អាស៊ាន និងតួនាទីសំខាន់នៃក្រុមអ្នកសង្កេតការណ៍របស់ខ្លួនក្នុងការត្រួតពិនិត្យបទឈប់បាញ់។ ប្រទេសចិនមានឆន្ទៈបង្កើតលក្ខខណ្ឌ និងផ្តល់វេទិកាសម្រាប់ការសន្ទនា និងការចរចារវាងភាគីទាំងពីរ។ សង្ឃឹម​ថា កម្ពុជា និង​ថៃ​នឹង​ជួប​គ្នា​ពាក់​កណ្តាល​ផ្លូវ ខិតខំ​ស្តារ​ទំនុក​ចិត្ត​គ្នា​ទៅ​វិញ​ទៅ​មក និង​កសាង​សន្តិភាព​តាម​ព្រំដែន​ឡើង​វិញ៕