ត្រាំ បង្ហេីបពីលទ្ធភាពធ្វេីផែនការរំសាយអាវុធនុយក្លេអ៊ែរ ជាមួយចិន និងរុស្ស៉ី

វ៉ាស៊ីនតោន៖ ប្រធានាធិបតីអាមេរិក លោក ដូណាល់ ត្រាំ បាននិយាយនាថ្ងៃពុធ ទី៦ ខែវិច្ឆិកាថា លោកប្រហែលជាអាចធ្វើផែនការមួយទាក់ទងនឹងការរំសាយអាវុធនុយក្លេអ៊ែរជាមួយប្រទេសចិន និងរុស្ស៉ី ដោយមិនផ្តល់ព័ត៌មានលម្អិត។

ការអត្ថាធិបាយរបស់លោក ត្រាំ ធ្វេីឡេីងបន្ទាប់ពីលោកបានបញ្ជាឱ្យយោធាអាមេរិកចាប់ផ្តើមធ្វេីតេស្តអាវុធនុយក្លេអ៊ែរឡេីងវិញកាលពីចុងខែតុលា​ ដោយឈរលេីមូលដ្ឋានស្មេីភាពគ្នា ក្រោយផ្អាកអស់រយៈពេល ៣៣ឆ្នាំ។

អំឡុងសុន្ទរកថានៅឯវេទិកាធុរកិច្ចអាមេរិក ក្នុងទីក្រុង Miami លោក ត្រាំ បានថ្លែងយ៉ាងដូច្នេះថា «យើងកែប្រែនុយក្លេអ៊ែររបស់យើងឡើងវិញ។ យើងជាមហាអំណាចនុយក្លេអ៊ែរលេខ ១ ដែលខ្ញុំក៏មិនចង់ទទួលយកដែរ ព្រោះវាគួរឱ្យរន្ធត់ណាស់»។ លោក ត្រាំ បន្ថែមថា «រុស្ស៉ីស្ថិតនៅលេខរៀងទី ២ រីឯចិនជិតមកដល់លេខរៀងទី ៣ ប៉ុន្តែពួកគេនឹងអាចតាមទាន់យេីងក្នុងរយៈពេល ៤ឬ ៥ឆ្នាំទៀត។ យើងប្រហែលជាអាចធ្វេីផែនការដើម្បីរំសាយអាវុធនុយក្លេអ៊ែរ។ ចាំមេីលសិនតើវាដំណើរការឬអត់»៕ (Reuters)