ប្រធានាធិបតីថ្មីរបស់កូរ៉េខាងត្បូង ថានឹងស្វែងរកកិច្ចសន្ទនាជាមួយកូរ៉េខាងជើង

 ប្រភព៖ AFP

សេអ៊ូល៖ ប្រធានាធិបតីថ្មីរបស់កូរ៉េខាងត្បូង លោក Lee Jae-myung នៅថ្ងៃពុធ ទី៤ ខែមិថុនាបានសន្យាថានឹងបន្តស្វែងរកកិច្ចសន្ទនាជាមួយកូរ៉េខាងជើង ហើយស្ដារទំនាក់ទំនងឡើងវិញជាមួយអ្នកជិតខាង ប្រដាប់ដោយអាវុធនុយក្លេអ៊ែររបស់ខ្លួនមួយនេះ។

លោក Lee Jae-myung ធ្វើការកត់សម្គាល់បែបនេះនៅក្នុងសុន្ទរកថាមួយនាឱកាសឡើងកាន់តំណែងជាប្រធានាធិបតីថ្មីរបស់កូរ៉េខាងត្បូង បន្ទាប់ពីលោកបានទទួលជ័យជម្នះក្នុងការបោះឆ្នោតជ្រើសរើស ប្រធានាធិបតីកាលពីថ្ងៃអង្គារម្សិលមិញ។

លោក Lee បានគូសបញ្ជាក់ដូច្នេះថា «មិនថាលះបង់តម្លៃណានោះទេ ក៏សន្តិភាពនៅតែល្អប្រសើរជាងសង្រ្គាម»។ លោក Lee ក៏បានប្ដេជ្ញាដែរថានឹងបន្តពង្រឹង សមត្ថភាពកំញើញទប់ស្កាត់ការគំរាមកំហែងពីអាវុធនុយក្លេអ៊ែរ និងសកម្មភាពយោធាបង្ករឿងរបស់កូរ៉េខាងជើង ខណៈបើកចំហចំពោះកិច្ចសហប្រតិបតិការ៕