ពីថ្ងៃ២៦ដល់៣១ខែ មីនា ភ្លៀងកក់ខែ នឹងបន្តមានឥទ្ធិពលឡើងវិញគ្របដណ្តប់រាយប៉ាយនៅទូទាំងប្រទេស

ភ្នំពេញ ៖ ក្រសួងធនធានទឹក និងឧតុនិយមបានបញ្ជាក់ឲ្យដឹងថាចាប់ពីថ្ងៃទី២៦ ដល់ថ្ងៃទី៣១ ខែមីនា ឆ្នាំ២០២៥ ខាងមុខនេះ ភ្លៀងកក់ខែនឹងបន្តមានឥទ្ធិ ពលឡើង វិញដែល គ្របដណ្តប់ រាយប៉ាយនៅក្នុងក្រប ខ័ណ្ឌទូទាំងប្រទេស ។

ក្រសួងធនធានទឹក និងឧតុនិយមនៅថ្ងៃទី១៨ខែមីនា ឆ្នាំ២០២៥បានចេញ សេចក្តីជូន ដំណឹង ស្តីពីស្ថានភាពភ្លៀងកក់ខែ ចាប់ពីថ្ងៃទី១៨ ដល់ថ្ងៃទី៣១ ខែមីនា ឆ្នាំ២០២៥ បានលើក ឡើងថាចាប់ពីថ្ងៃទី១៨ ដល់ថ្ងៃទី២៥ ខែមីនា ឆ្នាំ២០២៥ ស្ថានភាពភ្លៀងកក់ ខែនឹងមាន ការថមថយឥទ្ធិពល មកលើព្រះរាជាណាចក្រកម្ពុជា ប៉ុន្តែចាប់ពីថ្ងៃទី២៦ ដល់ថ្ងៃទី៣១ ខែមីនា ឆ្នាំ២០២៥ ខាងមុខនេះ ភ្លៀងកក់ខែនឹងបន្តមានឥទ្ធិ ពលឡើងវិញ ដែលគ្របដណ្តប់ រាយប៉ាយនៅក្នុង ក្របខ័ណ្ឌទូទាំងប្រទេស ។

ផ្ទាំងពាណិជ្ជកម្ម

ជាមួយគ្នានោះដែរ ក្រសួងធនធានទឹកបានឲ្យដឹងថា រលកសមុទ្រមានកម្ពស់ មធ្យមអប្បបរមា ០,២៥ម៉ែត្រ និងកម្ពស់មធ្យមអតិបរមា ០,៧៥ម៉ែត្រ ។ ក្រសួងធនធានទឹក និងឧតុនិយម នឹងបន្តធ្វើការតាមដាន និងវិភាគអំពីស្ថាន ភាពធាតុអាកាស ដើម្បីជម្រាបជូនជាបន្តបន្ទាប់ ក្នុងករណីមានការប្រែប្រួល។ សូមបញ្ជាក់ជូនថា៖ កន្លងមក ចាប់ពីថ្ងៃទី១៣ ខែកុម្ភៈ ដល់ថ្ងៃទី១៧ ខែមីនា ឆ្នាំ២០២៥ ភ្លៀងកក់ខែបានគ្របដណ្តប់លើ ២៥រាជធានី/ខេត្ត និង១៧៦ស្រុក/ខណ្ឌ ក្នុងក្របខ័ណ្ឌទូទាំ ងប្រទេស ៕