អភិបាលខេត្តព្រះសីហនុសំណេះសំណាលជាមួយក្រុមការងារសម្អាតឆ្នេរដែលចូលរួមសម្អាតប្រេងអណ្តែតលើទឹកសមុទ្រនៅឆ្នេរព្រែកត្រែង

អត្ថបទ៖ ទឹង សុភាព

ខេត្តព្រះសីហនុ៖ ឯកឧត្តម ម៉ាង ស៊ីណេត អភិបាលនៃគណៈអភិបាលខេត្តព្រះសីហនុអញ្ជើញសំណេះសំណាល ជាមួយក្រុមការងារសម្អាតឆ្នេរសមុទ្រដែលបានចូលរួមសម្អាតប្រេងអណ្តែតលើទឹកសមុទ្រនៅឆ្នេរព្រែកត្រែង ដោយមានការចូលរួមពីលោកអភិបាលរងខេត្ត លោកអភិបាលក្រុងព្រះសីហនុ អភិបាលរងស្រុកស្ទឹងហាវ មន្ត្រីរាជការជុំវិញខេត្ត កងកម្លាំងប្រដាប់អាវុធ សប្បុរសជន និងក្រុមការងារសម្អាតឆ្នេរសមុទ្រព្រែកត្រែងនាព្រឹកថ្ងៃទី១១ ខែកុម្ភៈ ឆ្នាំ២០២៥។

ឯកឧត្តម​ ម៉ាង​ ស៊ីណេតអភិបាល​ខេត្ត​ព្រះសីហនុ​ ក៏បានថ្លែងអំណរគុណ និងកោតសរសេីរបងប្អូនកងកម្លាំងមកពីក្រុងព្រះសីហនុនិងស្រុកស្ទឹងហាវ ក្រសួង​បរិស្ថាន​ ក្រសួងឧស្សាហ៍កម្មរ៉ែ និងថាមពល និងក្រសួងសារធារណ:ការ​និងដឹកជញ្ជូន ដែលបានលះបង់កម្លាំងកាយចិត្ត​ ក្នុងការចូលរួមជួយសំអាត​ឆ្នេរព្រែកត្រែង​ ដែលកន្លងមកបានទទួលរងនូវការប៉ះពាល់ដោយកំណកកាកប្រេងដែលលេចចេញពីការធ្លាយបំពង់បង្ហូរប្រេង​នៅលើឆ្នេរព្រែកត្រែងទៅរកសភាពដូចដើមវិញ។

ឯកឧត្តម អភិបាលខេត្ត​បានបន្តទៀតថាដេីម្បីទាក់ទាញភ្ញៀវទេសចរមកលេងឲ្យបានច្រេីន ហេីយឱ្យពួកគាត់ត្រលប់ទៅវិញជួយផ្សព្វផ្សាយពីខេត្តរបស់យេីង អោយសក័្កសមទៅនឹងឈ្មោះតារារះនៃទិសនីរតិ គប្បីត្រូវតែមានអនាម័យ អោយបានស្អាតជាប្រចាំ ទាំងសោភ័ណភាពឆ្នេរ ទីក្រុង​ និងបរិស្ថានឲ្យបានស្អាត។

សូមបញ្ជាក់ផងដែរថាបងប្អូនប្រជាការពារ​ និងបុគ្គលិកសំអាតអនាម័យទាំង ២៣៧នាក់​ បានទទួលនូវ​ថវិកា​ឧបត្ថម្ភ​របស់សម្តេចមហាបវរ​ធិបតី​ ហ៊ុន​ ម៉ាណែត​ និងលោកជំទាវក្នុងម្នាក់ ១០មុឺនរៀល ក្រុមហ៊ុន​ លី​ ជិន​ ឧបត្ថម្ភ​អង្ករក្នុងម្នាក់ ២០កីឡូក្រាម និងឧកញ៉ា​ គិត​ ប៊ុន​ ឧបត្ថម្ភ​ទឹកក្រូច​ ម្នាក់១កេះផងដែរ៕