បរទេស៖ ថ្ងៃទី២៥ ខែវិច្ឆិកា វេទិកាធុរកិច្ចថាមពលចិន-រុស្ស៊ីលើកទី៧បានបើកធ្វើនៅសណ្ឋាគាររដ្ឋDiaoyutai។លោកDing Xuexiangសមាជិកអចិន្ត្រៃយ៍នៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងជាឧបនាយករដ្ឋមន្ត្រីចិនបានអញ្ជើញចូលរួមពិធីបើកនិងអានសារលិខិតអបអរសាទររបស់លោកXi Jinpingប្រធានរដ្ឋចិនព្រមទាំងថ្លែងសុន្ទរកថាគន្លឹះ។
លោកDing Xuexiangបានលើកឡើងថា កិច្ចប្រជុំពេញអង្គលើកទី៤នៃគណៈកម្មាធិការមជ្ឈិមបក្សកុម្មុយនីស្តចិនអាណត្តិទី២០បានធ្វើការរៀបចំចាត់ចែងយុទ្ធសាស្ត្រសម្រាប់ប្រទេសចិនពង្រីកការបើកចំហក្នុងកម្រិតខ្ពស់និងកសាងប្រទេសខ្លាំងក្លាផ្នែកថាមពល។ភាគីចិនរីករាយធ្វើការជាមួយភាគីរុស្ស៊ី អនុវត្តថែមមួយកម្រិតទៀតនូវគំនិតឯកភាពសំខាន់របស់ប្រមុខរដ្ឋនៃប្រទេសទាំងពីរ បន្តធ្វើឱ្យកិច្ចសហប្រតិបត្តិការជាយុទ្ធសាស្ត្រលើវិស័យថាមពលមានភាពកាន់តែស៊ីជម្រៅ ត្រួសត្រាយឥតឈប់ឈរនូវនិម្មាបនកម្មថ្មីនៃកិច្ចសហប្រតិបត្តិការឈ្នះ-ឈ្នះ។
លោកDing Xuexiangបានលើកឡើងសំណើ៣ចំណុចស្តីពីកិច្ចសហប្រតិបត្តិការថាមពេលរវាងចិន-រុស្ស៊ី៖ទី១ បង្កើនការតភ្ជាប់និងកិច្ចសហប្រតិបត្តិការផ្នែកខ្សែសង្វាក់ផលិតកម្មទាំងមូល។ ទី២ បង្កើនការអភិវឌ្ឍនិងកិច្ចសហប្រតិបត្តិការផ្នែកបរិវត្តកម្មថាមពល។ ទី៣ បង្កើនកិច្ចសហប្រតិបត្តិការពុហភាគី៕
