ក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព) បើកកិច្ចប្រជុំលើកទី៤ អាណត្តិទី៤ ក្រោមអធិបតីភាព សម្តេចកិត្តិសង្គហបណ្ឌិត ម៉ែន សំអន ប្រធាន (ក.ជ.ប.ព)

ភ្នំពេញ÷‎នៅថ្ងៃព្រហស្បតិ៍ ៧កើត ខែមិគសិរ ឆ្នាំម្សាញ់ សប្តស័ក ពុទ្ធសករាជ ២៥៦៩ ត្រូវនឹងថ្ងៃទី២៧ ខែវិច្ឆិកា ឆ្នាំ២០២៥ ក្រុមប្រឹក្សាជាតិប្រឆាំងអំពើពុករលួយ (ក.ជ.ប.ព) បានបើកកិច្ចប្រជុំ លើកទី៤ អាណត្តិទី៤ ក្រោមអធិបតីភាព សម្តេចកិត្តិសង្គហបណ្ឌិត ម៉ែន សំអន ប្រធានក្រុមប្រឹក្សាជាតិប្រឆាំងអំពពើពុករលួយ (ក.ជ.ប.ព)។

កិច្ចប្រជុំនេះបានរៀបចំធ្វើឡើងជាប្រចាំខែ នៅអង្គភាពប្រឆាំងអំពើពុករលួយ (អ.ប.ព) ដោយថ្ងៃនេះ (ក.ជ.ប.ព) បានលើកយកនូវរបៀបវារៈចំនួន ៣ សំខាន់ៗរួមមាន÷
១- ឆ្លងកំណត់ហេតុកិច្ចប្រជុំ ក.ជ.ប.ព លើកទី៣ អាណត្តិទី៤
២- ស្តាប់របាយការណ៍របស់អង្គភាពប្រឆាំងអំពើពុករលួយ (អ.ប.ព)
៣- បញ្ហាផ្សេងៗ។