ពិធីផ្ទេរតំណែង រដ្ឋមន្រ្តីក្រសួងការបរទេស នឹងធ្វើឡើងនៅព្រឹកនេះ

ភ្នំពេញ៖ ពិធីផ្ទេរតំណែងរដ្ឋមន្រ្តីក្រសួងការបរទេស និងសហប្រតិបត្តិការអន្តរជាតិ នឹងធ្វើឡើងនៅព្រឹកថ្ងៃទី២១ ខែវិច្ឆិកា ឆ្នាំ២០២៤នេះ នៅទីស្តីការក្រសួងការបរទេស ដោយ ឧបនាយករដ្ឋមន្រ្តី ប្រាក់ សុខុន នឹងចូលកាន់តំណែងជំនួសឧបនាយករដ្ឋមន្រ្តី សុខ ចិន្តាសោភា។

នៅក្នុងពិធីផ្ទេរតំណែងនេះ ថ្នាក់ដឹកនាំទាំងពីរនឹងមានការថ្លែងចំណាប់អារម្មណ៍ និងសំណេះសំណាលទៅកាន់មន្រ្តីរាជការ នៅក្រសួងការបរទេស និងសហប្រតិបត្តិការអន្តរជាតិផងដែរ។

សូមបញ្ជាក់ថា ឯកឧត្តម រដ្ឋមន្រ្តី ប្រាក់ សុខុន អនុប្រធានទី១ នៃព្រឹទ្ធសភា ត្រូវបានរដ្ឋសភា បោះឆ្នោតគាំទ្រជា ឧបនាយករដ្ឋមន្រ្តី រដ្ឋមន្រ្តីក្រសួងការបរទេស ជំនួសឧបនាយករដ្ឋមន្រ្តី សុខ ចិន្តាសោភា នៅព្រឹកថ្ងៃទី២០ ខែវិច្ឆិកា ឆ្នាំ២០២៤នេះ៕